shaam kay naam kya kia hoga
us nay chaak daman hi phir siya hoga
woh yeh samjhay thay woh tha shaks e qadeem
us nay kab umr bhar jiya hoga
mai nay us say kaha hai raat e khamosh
us nay koel say keh diya hoga ...
woh kahan aur kahan yeh tishn labi
jaisey sagar woh pi gaya hoga
jab terey shehr say woh guzra tha
raaston say paray chala hoga
bagh kay gul bhi sunay sunay thay
us nay daman bacha liya hoga
sochta hoga raat ko kyun kar
band ghar phir diya jala hoga,
kaisay kaisay khwabon ki janib
us ki neendon nay rukh kiya hoga ....
udh gaya gard kay gulistan mai
kya kaha aur kya suna hoga
woh to khamosh keh gaya sab kuch
tu to khamosh reh gaya hoga ....
aj ki subh to hai subh e azal
maut ko ghar bula liya hoga
zindgi kal thi jis ki jaaan e aziz
aaj rasta naya mila hoga ....
tu hai jis safr ki talash mai ab
us nay kab ka woh tai kiya hoga
manzilon ki to koi baat nahi
raasta us ka mehrumaan hoga
tu nay samjha tha us ko dost magar
koi aisa na doosra hoga
aj phir us nay terey dil kay qareeb
apni dhadkan ko sun liya hoga ...
Urdu poetry in Roman is akin to seeing the most beautiful lady in a jean & Tee combo. We will live with it though we would have liked her to be draped in the most beautiful Saree !
ReplyDeleteThe content is more important. Here too....Wonderful thoughts. Deep and meaningful. Wow!
Muasir Hyderabadi!